من ائللرین ، بوغازدا بوغولموش سؤالییام
من اؤلکهمین شفقده باخان آی هیلالییام
سن بیر قارانلیغا سیخیلیب ، دویغو دویمایان
من ، دان زامانی ، آیدا قوپان گون خیالییام
بیر کاسه آشدان اؤترو ، دانیبسان آنا دیلین
مندنده ایستهمه ، کی گلیب کاسه یالییام
سن قوردا قویروغون سیخان ایت، من ده بیر قوزو
یئتمز سَسیم چوبانا ، سورومدن آرالییام
مندن اگر اؤز ائللریمه سَس یئتیشمهییر
اؤز بختیمین ، اویوندا جیریلمیش قاوالییام
چوخدا گؤوَنمه شهریده، قصرین هاوالى دیر
من سَس وئرَرسَم ائللره ، سندن هاوالییام
نَه اوز وئریب زمانه ده، کی کیمسه سؤیلهمیر
هاردا ائویم ، نَه یئرده ائلیم ، یا هارالییام
آدیم "باهارلی"، یوردوم آدین ایستهسَن ، "باهار"
"تؤرک " اوْغلویام، "اوغوز"لارین ایتگین ماحالییام
من اؤلکهمین شفقده باخان آی هیلالییام
سن بیر قارانلیغا سیخیلیب ، دویغو دویمایان
من ، دان زامانی ، آیدا قوپان گون خیالییام
بیر کاسه آشدان اؤترو ، دانیبسان آنا دیلین
مندنده ایستهمه ، کی گلیب کاسه یالییام
سن قوردا قویروغون سیخان ایت، من ده بیر قوزو
یئتمز سَسیم چوبانا ، سورومدن آرالییام
مندن اگر اؤز ائللریمه سَس یئتیشمهییر
اؤز بختیمین ، اویوندا جیریلمیش قاوالییام
چوخدا گؤوَنمه شهریده، قصرین هاوالى دیر
من سَس وئرَرسَم ائللره ، سندن هاوالییام
نَه اوز وئریب زمانه ده، کی کیمسه سؤیلهمیر
هاردا ائویم ، نَه یئرده ائلیم ، یا هارالییام
آدیم "باهارلی"، یوردوم آدین ایستهسَن ، "باهار"
"تؤرک " اوْغلویام، "اوغوز"لارین ایتگین ماحالییام
Hiç yorum yok:
Yorum Gönder